يا ميت الف جود مورنينج على عيونك يا حبيبى .. اؤمر .. اؤمر يا غالى _ انا فلان الفلانى من شركه كذا للاعلان ..بما ان شركتكم من الشركات المتميزه .. نحب اننا نعمل لها اعلانيين تلاته فى قناة (س) المحترمه .. وجايبين لكم اوفر محصلش
& ومالوا يا حبيبى .. ومالوا يا ضناايا .. بس قول لى الاول ..القناه دى بتعمل برامج مثيره وفيها سحر وشعوذه وكده ؟؟
_ سحر ايه وشعوذة ايه حضرتك ؟؟ القناه بتخاطب عقل المشاهد العاقل المثقف _ وماله لما نحط للعاقل والمثقف شوية بهارات كده تعمل مشاهده حتى لوتمثيل .. طب القناه دى فيها برنامج يجيب ف سيرة الناس ؟؟ سيرة النناس ازاى يعنى ؟؟
_ يعنى اقصد مين قلعت .. ومين لبست .. ومين اتطلقت .. ومين هرب من مراته بعدد مالهف القرشين .. ومين عملت خلع لجوزها عشان تتجوز صاحبه وكده يعنى يا فندم القناه محترمه وما بتدخلش في حياه الناس الشخصيه حتى لوكانوا مشاهير .. ده اعلام مش قعده شلت ف الفسحه
_ ومالوا برضه لما نفضحهم ونعري
هم ده بيعمل مشاهده نارررر .. يا فندم مينفعشى كده ميبقاش اعلام _ طيب يا اخى شوف لنا عندكم برنامج
يستضيف حمو بيكا ومجدى شطه اظن ده هيضرب نار معقول برضه يا فندم الكلم ده ؟؟
_ طب مفيش عندكم واد مطرقع كده .. شاب وشيك ..وسهن ومسهوك كده .. يقول لنا قال الله وقال الرسول وهو بتاع نسوان .. اهو ده بقى بيلم مشاهده .. حتى اللى مشافهوش بيروح يشوفه لما يتفضح وهو ممسوك بفضيحه تناقد اللى بيقوله
اعوذ بالله من الشيطان الرجيم .. لالالا يا فندم .. القناه م بتاعة الكلا م ده _ طب مفيش عندكم مذيع كلجى يرمى البلد بالباطل من تحت لتحت ؟؟ اهو ده بقى يطرقع جامد ويكسر الدنيا
يا فندم المذيعين بتوعنا مع الدوله قلبا وقالبا .. ومينفعشى اللى بتقوله ده يبقى فرقنا ايه عن اعلام محمدناصر ومعتز قطر ؟؟
_ طب بص انا سمعت ان هيحصل تغيير شامل ف محتوى الاعلام .. استنى بس يعملوا التغيير ده ونتكلم ونشوف
تغيير شامل هيكون شكله ايه يعنى يا فندم _ هيغيروا الديكور .. ويغيروا لوجو القنوات ويجيبوا المذيعين اللى بقولك عليهم هما هما ..بس مستحميين ومغيرين البدل والبلوزات منال قاسم
