اليوم أعلن الفريق كامل الوزير إنه تسلم اليوم ٦ ملايين يورو ثمنا لتسمية محطة مونوريل بإسم أحد الكامبدونات ، وإن لديه عشرات العروض الأخري ..
هذا الإقتراح نشرته البشاير يوم ٣ أغسطس علي النحو التالي :
المترو بيخسر ولازم نرفع أسعار التذاكر
طيب.. .. في كوكب الناس اللي بتفكر ، قامت حكومة دبي بتأجير حق انتفاع أسماء محطات المترو لكبري الشركات والبنوك المحليه والعالمية. حق انتفاع لعدد معين من المحطات لعدد محدد من السنوات . يتم من خلاله تغيير أسم المحطه ليصبح بإسم الشركة أو البنك أو المؤسسه ، في مقابل مادي يتجاوز ال الثمان أصفار سنويا . وتختلف تسعيره حق الانتفاع تبعاً لأهمية وازدحام المحطه . وزي مانت شايف في الصورة ، عندهم اكتر من 15محطه تم تغيير أسمائهم لتصبح ب أسماء شركات ، والشركات دي بتدفع مليارات مقابل حق الانتفاع ده. منها دعاية للشركة ومنها فايده للمترو( تكاليف صيانه وتجديد وتطوير الخ الخ ).
يعني شركة اتصالات ، او فودافون ، عايزين يخلوا إسم محطة ( حمامات القبة ) أو ( طره البلد ) ولا ( عبده باشا ) بإسم شركتهم . تعالي ياإتصالات، تعالي يا فودافون ، إنتي عايزه محطة إيه ، وانت عايز محطة ايه . دي بكذا ودي بكذا . عايزينهم كام سنه ، السنه ب قد كده . خد الوصل وروح إدفع عند عبدالعال بيه في الدور التاني ، وبعدها تختم الوصل واتوكل علي الله اعمل ما بدالك في المحطه ، إدهنها أحمر إدهنها أصفر ، إدهنها فوحلوئي، تكاليفها كلها عليك ، ونظافتها وصيانتها شرحه. وبالمثل يعني شركة طلعت مصطفي عايزه تخلي اسم محطة مترو حدائق القبه علي أسم الحاج طلعت . تعالي يا عم هشام ، حط اسم الحج طلعت مصطفي علي المحطه ، وإسم طلعت مصطفي يطبع علي التذاكر ، بكام السنه يا حكومه . السنة واقفة عليك بكذا يا إتش. خدي يا حكومه . أدفع يا إتش . ودخلنا فلوس للهيئة من لا شيء.
وتلزمهم بمعايير نظافه وصيانه راقيه ، انشاءالله حتي تخليهم يحطوا فواحات ومناديل معطره في الحمامات ، واللي يخالف أو يتعوج تسحب منه العقد وقتي . … التفكير مش عيب علي فكره . وبدل ما ندفع الغلبان جنيه زياده ، ندخل للهيئة مليارات بشوية تفكير..ألا من مجيب ! ..
ماذا حدث اليوم ؟
أعلن الفريق كامل الوزير وزير النقل :
بأن مُلاك كومباوند كبير جدا في شارع التسعين بالتجمع الخامس، أبدوا رغبتهم في دفع ثمن تكلفة محطة مونوريل، بقيمة 6 ملايين يورو، مقابل تسمية المحطة باسم الكمبوند الذي يقطنون فيه
وأضاف وزير النقل، خلال مداخلة مع أحد البرامج التليفزيونية، أن قاطني الكامبوند؛ سددوا مليون يورو، والباقي سيتم دفعه بنظام التقسيط، مؤكدا أن هناك العديد من رجال الأعمال أيضًا، أعلنوا رغبتهم في وضع أسمائهم على إحدى محطات المونوريل، وذلك في إطار استراتيجية لاستغلال محطات المونوريل استثماريًا
وأشار الفريق كامل الوزير، إلى أنه تم التعاقد مع رجال أعمال ومنهم المهندس أحمد السويدي، وياسين منصور وعدد من الجهات والجامعات؛ لدفع تكاليف إنشاء محطات ركاب في بعض مشروعاتها الجارية، مثل المونوريل، والقطار الكهربائي الخفيف، وذلك سيكون مقابل تسمية تلك المحطات بأسمائهم أو أسماء مشروعات مملوكة لهم
وأكد الوزير، أن رجل الأعمال المهندس أحمد السويدي، تعاقد لتسمية محطتين لتكون الأولى باسم محطة السويدي ومحطة ثانية للكلية التكنولوجية، لافتًا إلى أنه خلال لقائه مع الرئيس عبد الفتاح السيسي؛ أعرب عن استعداده للدفع بالجنيه المصري، ليعترض الوزير كامل الوزير، ويطالبه بضرورة الدفع باليورو مثل الباقيين ممن تم التعاقد معهم مُسبقًا