حسام الديب يروي كيف استقل الطائرة بيزنس كلاس على حساب كريدت كارد التجاري الدولي

Hossam Eldeeb 
eprdtSoson5i9g48m3u00P6 1 ra 9t94ee640iN580 56ub7:1hoMtv22hau  ·
 
 
بعد ما حكيتلكم في البوست اللى فات ازاى شركة اتصالات وفرتلى مبلغ كويس في حجز الفندق في امريكا..
ح احكيلكم بقى.. ازاى ماستر كارد بنك ال CIB و مصر للطيران.. وفرولى تذكرة طيران بزنس لأمريكا!
التذكره دي ثمنها.. رايح فقط من القاهره لواشنطن ١٢٠ الف جنيه.
اخدتها فقط ب ١٦ الف جنيه (قيمة الضريبه)..التذكره مجانا
القصه كالتالى..
انا معايا كارت كريديت مصر للطيران من بنك ال CIB ..
ده كارت مشتريات عادى.. بس كل ما تشترى بيه.. يضيف لك نقاط او اميال تشترى بيها تذكره
تضاف لحسابك اللى بيتضاف فيه اميال السفر
بقالى عشر سنين مشترك في egyptair plus و حوالى سبع سنين معايا الكارت.. و استفدت منه مره واحده في حجز تذاكر.. و كانت فايده بسيطه و بطلت اعتمد عليه (و كتبت قبل كده ان اميال مصر للطيران مالهاش اى فايده) و بقيت اعتمد على كروت تانيه بتعطى كاش باك او مشتريات.
لما جيت احجز تذكرة المؤتمر
فكرت استغل النقط اللى عندى..
لقيت عندى حوالى ٧٠ الف نقطه.. و دى نقط تكفى انى آخد تذكره ايكونومى رايح جاى..
بس المسافه طويله جدا و صعب انى اسافرها ايكونومى
ف قررت احجز بالنقط دى تذكره بزنس رايح فقط.. و احجز العوده منفصله على حسابى..
و دخلت على الموقع اللى فيه النقط و بتحجز منه التذكره
https://www.egyptair.com/en/Pages/EgyptAirPlus.aspx…
(و ده موقع مهم جدا انك تدخل عليه لانه الوحيد اللى بتشوف فيه النقط و تحجز بيه تذكره.. بينما طول السنين اللى فاتت كنت بادخل على موقع egyptair plus..و ده مش بيحجز تذاكر و فعلا مش مفيد )
و حاولت كذا مره احجز من الموقع.. لكن الحجز اترفض(غالبا عشان حجز ذهاب فقط)
اتصلت بالكول سنتر لمصر للطيران.. و ده عليه انتظار طويل جدا و مكلف.. يعنى تعمل حسابك على ٧٠-٨٠ جنيه رايحين عليك في المكالمه.. و ممكن في الاخر كمان يقفلوا الخط و الفلوس تروح عليك
بس انا كنت مصمم انى المره دى استفيد من النقط
و اخيرا رد عليا الموظف.. و الحقيقه.. من مكالماتى المتكرره لمصر للطيران.. الموظفين ذوق جدا و شاطرين جدا.. بجد من غير مجامله
و حجزلى التذكره..
و دى كانت الطريقه اللى اخدت بيها طياره بزنس لامريكا سعرها ١٢٠ الف جنيه… ب ١٦ الف جنيه بس.(المبلغ ده حاليا يادوب ثمن تذكره لشرم الشيخ)
و الحقيقه ان رحلة السفر من القاهره لواشنطن دايركت على مصر للطيران بزنس (١٢ ساعه و نص) مريحه و ممتعه.