dnosStorepf1fm2i8m121871h2ia1fh1h2h0hlug7f644093ll05tag6g9u1
هذا البوست نشوته هويدا بنت الملك من الكتيبة ١٦ إعلام ، ورإيت من المناسب نشره علي أوسع نطاق ..
زمان
لما سألوا ام كلثوم وهي في فرنسا إيه اكتر شئ عجبك في باريس
قالت المسلة
المذيع قالها اشمعنى .. قالتله علشان بتاعتنا
يعني ايه علشان بتاعتنا
يعني علشان مصرية .. علشان من بلدي .. علشان بتعبر عن حضارتي .. علشان راسي اترفعت للسما لما شفتها هناك .. علشان احنا اعظم بلد واعظم شعب واعظم حضارة
الوقت
عندنا ممثل خايب اسمه احمد حلمي قال لشخص .. “مصري وحاجز أول صف تبقى اكيد معزوم”
وعندنا مطربة مهيبرة حد من الجمهور قالها غني ماشربتش من نيلها قالتله “بلاش لايجيلك بلهارسيا”
ومرة تانية قالت على المسرح “انا هنا اتكلم براحتي علشان في مصر اللي بيتكلم بيتحبس”
بصوا يا شوية فنانين على ما تفرج البلد اللي عملتكم والجمهور اللي سندكم
ومن بعدها الحظ والصدفة هم اللي وصلوكم للي انتم فيه
بس للأسف بعد ما توصلوا بتنسوا اصلكم وبتنسوا فضل البلد والناس عليكم .. وبتستخدموا الناس مادة للسخرية علشان تضحكوا الاراجوزات اللي زيكم علينا
يا حلمي بقيت شخشيخة في ايدهم
مرة يعملولك فيلم علشان تطلع فيه المصري حرامي وطالع الحج علشان يسرق ..
ومره يلبسوك شيطان ويطلعوك تروج للماسونية وخطط إبليس ويستخدموك وانت زي الأهطل ..
وفي الآخر عاوز توصل للناس ان المصري بيكح تراب وشحات وبيتفسح سفلقة .. مع ان كل بلد فيها وفيها والله
يعني عندنا اللي بيروحوا الحفلات الكبيرة لمطربين مصريين ومطربين عالميين وبيدفعوا في التيكت عشرات الآلاف
وعندنا اللي بيمشي يومه بالستر
عندنا اللي بيروح الساحل ومارينا والعالمين وشرم والغردقة والجونة ومرسى علم ورأس الحكمة ويصرف ملايين
وعندنا اللي بيصيف بلطيم واسكندرية عادي
وعندنا اللي ما بيصيفش خالص
فكل بلد فيها وفيها يا دوني يا رخيص
يعلم ربنا انتم شوية عولة ما تعرفوا طبيعة وصفات الشعب المصري
قلنا ألف مرة .. ان الشعب ده عنده عزة وكرامة مش موجودة عند شعوب كتير في العالم
لا بيقبل الإهانة على بلده ولا على نفسه .. مهما كان يبان قدامك شكله مواطن بسيط وغلبان او فقير ومش لاقي .. بس اللي بيغلط في بلده او بيهينه هو شخصياً .. بيفرمه
افهموا مرة واحدة بقى صفات الشعب ده هترتاحوا من شتيمتهم ليكم
بطلوا مزايدة وتجارة رخيصة علشان تكسبوا ود وفلوس الخلايجة عيب اختشوا.. بلدكم بتتحارب وبتحارب
#مصرـمتأمنة
#كتيبة_١٦_اعلام
#هويدا بنت الملك