كتبت لورا فلاورز
Laura Flowers
Sposenrotd78 67 619iaa8A2eems390th295t5trymYt59uM3u dcf94u:0 ·
مسلسلات محمد سامى مع محمد رمضان بتبقى اقل فى الزعيق والجعير والبذاءة المهولة من مسلسلاته مع النجوم الاخرين ،لانه ببساطة محمد رمضان Authentic فى الحتة دى هو ابن الطبقة دى فعليا ومش محتاج حزق مبالغ فيه لاظهارها وقادر يعبر بهدوء وانفعالات داخلية عن انفعالاتها وصراعتها
بينما واحد زى عمرو سعد هو ابن الطبقة الوسطى اصلا وبيحاول ينسخ محمد رمضان بالزعيق والبذاءة الشديدة والغير مبررة نفس الكلام عن احمد زاهر ،الرجل من ايجيبت تقريبا وعمال يبرق ويقبح بشكل فج لاظهار الشر ،الهام شاهين مش عارفة تكون صفصف خالص غير بالزعيق والفجاجة والبذاءة الشديدة ،لان هالة صدقى دمها خفيف وليها تجربة حلوة مع شخصية توحيدة فى ارابيسك
نفس الكلام عن الوش اللى لابسهولنا احمد العوضى وهو برضه ابن الطبقة الوسطى وخريج مدرسة نور الشريف ف الاساس وكان بيعمل ادوار محاسب ف بنك وخريج جامعة وضابط جيش قبل مايتلبس روح محمد رمضان
كلهم طبقة وسطى وبيحاولوا يتلبسوا طبقة مش بتاعتهم ،ولو وسعنا الكاميرا شوية هتلاقى ده اكبر ضربة لقيم المجتمع المصرى اخر ١٠ سنين وهى ان الطبقة الوسطى بقت تقلد السرسجة وتحبها : طلبة الطب والهندسة بينادوا بعض يا اسطى لا وجامعات دولية كمان
حد فاكر مسلسل شارع عبد العزيز من بطولة عمرو سعد برضه كان مسلسل شعبى عادى جدا ومقبول ،مسلسل رمضان كريم الجزء الاول كان ايقونة شعبية بدون ٩٠% من الزعيق الموجود حاليا ،شخصيات ( رمضان كريم) كانت طبقة وسطى و اللى تحت خالص فيها انفعالات داخلية انسانية جميلة بدون اى زعيق
عبد الغفور البرعى كان جاى من اقاليم ولابس الجلابية والعمة وخير مافعلوا انهم خلوه يتكلم بلهجة قاهرية عادى جدا -كذلك فاطمة كشرى والحاج سردينة كلهم لهجتهم قاهرية رغم انهم بادئين من تحت الصفر واصلهم من الاقاليم
احمد ذكى ف البيه البواب معوجش لسانه قوى ولا قبح وشبح لكن كان مقنع جدا جدا ،نبيلة عبيد فى الراقصة والسياسي هم تلعيبتين بحواجبها وحتى الردح كان فى انفعالات بالمشاعر وصوتها كان طبيعى وهى بتردح للوزير لان الردح كان فى الكلام نفسه مش فى تون الصوت والزعيق -يسرا فتاة الليل فى الارهاب والكباب عبرت بالفستان اللى حطت فى صدره كل حاجة ده والدلع والحوار الرائع بتاع وحيد حامد
التعبير عن الطبقية بيكون بالانفعالات الداخلية واحداث القصة نفسها و سلوك الشخصية مش بالزعيق واللبانة والقباحة